觀音兵｜淘官兵服當睡衣自嘲曾做觀音兵 港男回望當兵的日子自勉勿再做兵

相信不少男生都曾經為女神「服兵役」，希望有一天會成為對方的男朋友，一位曾經做「觀音兵」的港男分享自己特意從淘寶購買官兵服當睡衣，惹來網民盛讚，他受訪時透露原來背後有一段悲傷情史，想藉此提醒自己「唔好再做兵」。

港男Cyrus近日在facebook群組「淘寶開心share」分享，在淘寶購入一件胸口寫有「兵」字的官兵服當睡衣，大讚「好舒服，無中伏」。他將自己穿兵服的相片，合成在衙門公堂背景上，效果惹笑，引起大批網民稱讚：「樓主真係好正，好幽默」、「做兵都係一種光榮，未必人人有呢個機會」。

Cyrus接受《晴報》訪問時表示，去年也購入道士服打算「娛樂吓」，但由於去年疫情嚴峻，道士服只有一次出場機會；而該件官兵服，則打算在慶祝萬聖節時穿著，另一方面也自嘲曾經做觀音兵，藉此提醒自己不要重蹈覆轍。

（↓點擊圖片放大↓）

憶起「當兵的日子」

他笑言當穿官兵服上身一刻，自然想起之前為女神「服兵役」的日子，

「每日瞓醒第一件事睇吓有冇佢啲訊息，只要佢回覆一個訊息都會好開心，就算係簡單一個『嗯！』做兵嘅價值，只要女神幸福開心，你要我做乜嘢都得！試過做『伙食兵』（陪食飯）、『運輸兵』（接送出行）。」

雖然Cyrus經常對女神喧寒問暖，但似乎都無法打動芳心，直至有日發現對方已有另一半，他才醒覺已沒有發展機會，終於正式「退伍」，「有一日大家冇搵大家，然後慢慢再冇搵對方，之後睇到佢網上post相，已經有男朋友。」他坦言，其實當時女神從未明言有意交往，只是自己一廂情願，因此不會責怪對方，

「咁人哋由頭到尾都冇講過話要同你一齊，人地無錯㗎，只係自己太多幻想，人哋派吓『軍糧』，𠱁吓你開心啫，要怪就怪自己。」

他表示，會將官兵服掛在家中當眼位置，提醒自己「唔可以再做兵」。他表示該兩件服裝均售100港元以內，並預告下次或會購買黑白無常的服裝，笑言一定會再次在網上分享，「我最鍾意散播歡樂！」

同場加映

28萬翻新青衣240呎公屋 4大慳位設計用盡空間

{{hket:ul-video id="4003"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】